ՕԳՏԱՏԻՐՈՋ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ՊԱՅՄԱՆՆԵՐ
Վերջին թարմացումը՝ մարտի 2, 2026թ.
Սույն Ծառայությունների մատուցման պայմանները (այսուհետ՝ «Պայմաններ») կիրառվում են, երբ դուք մուտք եք գործում, օգտագործում կամ փոխազդում եք SPLIT-ի և մեր սպառողական ծառայությունների հետ, ներառյալ՝ մեր վեբկայքը, մեր «SPLIT» վեբ հավելվածը (այսուհետ՝ «SPLIT» կամ «SPLIT վեբ հավելված») և առցանց այլ ծառայությունները, որոնք մենք մատուցում ենք ձեզ՝ ինչպես նկարագրված է սույն Պայմաններում (միասին՝ «Օգտատիրոջ ծառայություններ»):
Սույն Պայմանները, մեր Գաղտնիության քաղաքականության հետ միասին, կազմում են համաձայնագիր մի կողմից ՋԻ ԸՆԴ ԷՅՉ ՏՐԱՆՍ ԼՈՋԻՍՏԻԿ ՍՊԸ-ի, որը Հայաստանի Հանրապետությունում գրանցված, «SPLIT» առևտրային անվան տակ գործող ընկերություն է, (այսուհետ՝ «SPLIT» կամ «մենք») և մյուս կողմից՝ ձեր՝ որպես Հաստատության (ռեստորան կամ հյուրընկալության վայր, որը ծառայությունների մատուցման պայմանագիր է կնքել SPLIT-ի հետ) հաճախորդի և/կամ Օգտատիրոջ ծառայություններից օգտվողի (այսուհետ՝ «դուք») միջև և սահմանում են Օգտատիրոջ ծառայություններից ձեր օգտվելու պայմանները:
Օգտատիրոջ ծառայություններից ցանկացած օգտագործում ենթադրում է ձեր կողմից սույն Պայմանների նախնական, հստակ և անվերապահ ընդունումը: Եթե դուք համաձայն չեք Պայմաններին, դուք չեք կարող օգտվել Օգտատիրոջ ծառայություններից:
Մենք կարող ենք ժամանակ առ ժամանակ փոփոխել Պայմանները՝ հիմնականում SPLIT վեբ հավելվածի զարգացումներին կամ իրավական ու տեխնիկական փոփոխություններին համապատասխանեցնելու նպատակով: Գործող օրենսդրությամբ պահանջվող դեպքերում կամ այն դեպքերում, երբ փոփոխությունները էական են, մենք ձեզ կտեղեկացնենք էլեկտրոնային փոստով ՝ նախքան փոփոխությունների ուժի մեջ մտնելը։ Ցանկացած վերանայված պայման կամ քաղաքականություն հասանելի կլինի նաև մեր վեբկայքում: Ձեր պատասխանատվությունն է ստուգել, որ կարդացել և համաձայն եք Պայմանների վերջին տարբերակին նախքան Օգտատիրոջ ծառայություններից օգտվելը:
Բաժին 1 – Օգտատիրոջ հաշիվ
SPLIT վեբ հավելվածում օգտատիրոջ հաշվի (այսուհետ՝ «Օգտատիրոջ հաշիվ») ստեղծումը պարտադիր չէ SPLIT-ի միջոցով վճարումներ կատարելու համար:
Երբ դուք օգտվում եք Օգտատիրոջ որոշ ծառայություններից, օրինակ՝ վճարում եք Apple Pay-ի կամ Google Pay-ի միջոցով, կամ վճարելուց հետո հայցում եք առցանց անդորրագիր, ձեր որոշ տվյալներ պահպանվում են SPLIT-ի կողմից: Օրինակ՝ ձեր էլեկտրոնային փոստի հասցեն պահպանվում է ձեր վճարման հաստատումից հետո առցանց անդորրագիրը ձեզ առաքելու նպատակով:
Օգտվելով օգտատիրոջ ծառայություններից՝ դուք հաստատում եք, որ առնվազն 18 տարեկան եք։
Բաժին 2 – SPLIT-ի և Օգտատիրոջ ծառայությունների օգտագործումը
Ցուցադրելով մեր QR կոդերը կամ ներդնելով մեր լուծումները հաճախորդների սպասարկման ցանկացած փուլում՝ Հաստատությունը կարող է թույլ տալ ձեզ օգտվել Օգտատիրոջ ծառայություններից որոշներից կամ բոլորից, որոնք ներառում են, բայց չեն սահմանափակվում հետևյալով.
ծանոթանալ ճաշացանկին և կատարել պատվեր,
իրական ժամանակում տեսնել հաշիվը,
վճարել հաշիվն ավելի արագ՝ առանց մատուցողին սպասելու և/կամ վաճառքի կետում հերթ կանգնելու,
ստանալ վճարային գործարքի էլեկտրոնային անդորրագիր,
թողնել կարծիք Հաստատության մասին:
SPLIT-ը չի գործում որպես վճարային ծառայությունների մատակարար: Վճարումները մշակվում են Ամերիաբանկի կողմից՝ որպես վճարային ծառայությունների մատակարար: SPLIT-ը տրամադրում է տեխնոլոգիական ինտերֆեյս, որը ձեզ կապում է այդ ծառայության հետ:
2.1 Վճարել հաշիվն ավելի արագ
Դուք կարող եք վճարել հաշիվն ամբողջությամբ կամ մասնակի SPLIT-ի միջոցով՝ անկախ այն բանից, թե պատվերը կատարվել է SPLIT-ով, թե անմիջապես Հաստատության անձնակազմի միջոցով: Ձեր հաշիվը հասանելի է QR կոդի սկանավորման միջոցով: Դուք միանձնյա պատասխանատու եք հաշվի մանրամասները ստուգելու և նախքան վճարելը դրանց ճշտության մեջ համոզվելու համար:
Օգտատիրոջ ծառայությունների շրջանակում վճարումները հիմնականում մշակվում են Ամերիաբանկի անվտանգ վճարային էջի (vPOS) միջոցով, և օգտվելով ծառայությունից՝ դուք համաձայնում եք պահպանել Ամերիաբանկի վճարային պայմանները: Վճարումը կատարվում է Հաստատության կողմից թույլատրված միջոցներով (դեբետային/կրեդիտային քարտ, առցանց վճարում և այլն):
Ուշադրություն. SPLIT վեբ հավելվածում վճարումը հաստատվելուց հետո այն չի կարող չեղարկվել կամ հետ շրջվել SPLIT-ի միջոցով: Ապրանքների կամ ծառայությունների որակի հետ կապված ցանկացած վերադարձի համար դուք պետք է դիմեք անմիջապես Հաստատությանը:
2.2 Թողնել կարծիք
Դուք հնարավորություն ունեք թողնել մեկնաբանություններ, երաշխավորագրեր և բավարարվածության գնահատականներ Հաստատության, դրա ապրանքների որակի և սպասարկման վերաբերյալ: Դրանք կարող են հասանելի լինել համապատասխան Հաստատություններին, և դուք նաև հնարավորություն ունեք դրանք դարձնել հանրային : Սույնով դուք համաձայնում եք չմուտքագրել որևէ բովանդակություն, որն իր բնույթով զրպարտչական է, նսեմացնող, վիրավորական, ատելություն պարունակող կամ ահաբեկչական՝ մեր, Հաստատության, նրանց անձնակազմի կամ հաճախորդների, կամ երրորդ կողմերի նկատմամբ, կամ որը կարող է վիրավորել հանրային կարգը կամ բարոյականությունը կամ հակասել գործող իրավական և կարգավորող դրույթներին:
SPLIT-ը իրավունք է վերապահում հեռացնել ցանկացած բովանդակություն, որը չի հետևում սույն բաժնում նշված ուղեցույցներին: Ձեր կարծիքը ներկայացնելու դիմաց ձեզ որևէ փոխհատուցում չի տրամադրվի:
Բաժին 3 – Օգտագործման պայմաններ
SPLIT-ից օգտվելու համար անհրաժեշտ է սմարթֆոն և ինտերնետ կապ: SPLIT վեբ հավելվածի պատշաճ գործունեությունն ապահովելու նպատակով այն օպտիմալացված է Android-ի կամ iOS-ի վերջին տարբերակների համար: SPLIT մուտք գործելու և Օգտատիրոջ ծառայություններից օգտվելու համար անհրաժեշտ բոլոր սարքավորումներն ու ծրագրային ապահովումը ձեռք են բերվում ձեր հաշվին:
SPLIT-ից օգտվելու կանոնները (Ինչ կարելի է և ինչ չի կարելի). Դուք համաձայնում եք օգտագործել SPLIT-ը և Օգտատիրոջ ծառայությունները բարեխղճորեն՝ դրանց նպատակին, կիրառելի իրավական և կարգավորող դրույթներին ու սույն Պայմաններին համապատասխան: Այս առումով, դուք համաձայնում եք, մասնավորապես՝
չիրականացնել հետադարձ նախագծում (reverse engineer), չապակոդավորել, չապամոնտաժել, չվերծանել կամ այլ կերպ չփորձել ձեռք բերել SPLIT վեբ հավելվածում Օգտատիրոջ ծառայությունների մատուցման համար օգտագործվող ցանկացած սեփականատիրական նյութի ելակետային կոդը;
չօգտագործել որևէ ձեռքի կամ ավտոմատացված ծրագրային ապահովում կամ սարքեր, ռոբոտներ կամ այլ միջոցներ՝ SPLIT վեբ հավելվածի որևէ էջ մուտք գործելու, ուսումնասիրելու, առբերելու կամ ինդեքսավորելու համար;
չվտանգել կամ չփորձել վտանգել մեր կայքերի կամ հավելվածների անվտանգությունը, ներառյալ՝ առանց նախնական հստակ թույլտվության որևէ համակարգի կամ ցանցի խոցելիությունը մոնիթորինգի ենթարկելու, սկանավորելու կամ թեստավորելու փորձերը կամ անվտանգության կամ վավերացման միջոցները խախտելը;
չխախտել կամ չօգտագործել մեր մտավոր սեփականության իրավունքներից որևէ մեկը;
չնմանակել մեր կայքերի կամ հավելվածների արտաքին տեսքը կամ գործողությունը, օրինակ՝ օգտագործելով «հայելային էֆեկտ»;
ուղղակիորեն կամ անուղղակիորեն չխաթարել կամ չմիջամտել SPLIT վեբ հավելվածի կամ Օգտատիրոջ ծառայությունների աշխատանքին, չծանրաբեռնել SPLIT-ի ենթակառուցվածքը կամ չփորձել փոխանցել կամ ակտիվացնել համակարգչային վիրուսներ վեբ հավելվածի միջոցով կամ դրա վրա:
Բաժին 4 – Մտավոր սեփականության իրավունքներ
4.1 SPLIT-ին են պատկանում բոլոր իրավունքները, ներառյալ՝ մտավոր սեփականության իրավունքները և թույլտվությունները, որոնք վերաբերում են SPLIT վեբ հավելվածի և Օգտատիրոջ ծառայությունների ողջ բովանդակությանը, ներառյալ՝ դիզայնը, տեքստը, գրաֆիկան, պատկերները, լուսանկարները, պատկերազարդումները, վիզուալները, տեսանյութերը, տեղեկատվությունը, լոգոները, ապրանքային նշանները, նախագծերը, կոճակների պատկերակները, ծրագրային ապահովումը, տվյալների բազաները, աուդիո ֆայլերը և այլն:
4.2 SPLIT-ը ձեզ տրամադրում է SPLIT վեբ հավելվածից և Օգտատիրոջ ծառայություններից օգտվելու սահմանափակ, հետկանչելի, ոչ բացառիկ, չփոխանցվող և խիստ անձնական իրավունք: Դուք չպետք է վերարտադրեք, տարածեք, փոփոխեք, ստեղծեք ածանցյալ աշխատանքներ, հրապարակայնորեն ցուցադրեք, հրապարակայնորեն կատարեք, վերահրատարակեք, ներբեռնեք, պահպանեք կամ փոխանցեք SPLIT վեբ հավելվածին կամ Օգտատիրոջ ծառայություններին առնչվող որևէ նյութ: Օգտատիրոջ ծառայությունների և SPLIT վեբ հավելվածի գործառույթների օգտագործումը ձեզ իրավունք չի տալիս հավակնել որևէ տեսակի մտավոր սեփականության իրավունքի դրանց ամբողջ կամ մասնակի նկատմամբ. ձեզ չի տրամադրվում որևէ օտարում կամ լիցենզիա՝ բացի սույնով նախատեսված օգտագործման իրավունքից:
4.3 Մեր անվանումը, «SPLIT» տերմինը, մեր լոգոն և բոլոր հարակից անվանումները, լոգոները, ապրանքների և ծառայությունների անվանումները, դիզայնը և կարգախոսները հանդիսանում են SPLIT-ի կամ դրա փոխկապակցված անձանց կամ լիցենզառուների ապրանքային նշանները: Դուք չպետք է օգտագործեք նման նշաններն առանց մեր նախնական գրավոր թույլտվության: SPLIT վեբ հավելվածում կամ Օգտատիրոջ ծառայություններում առկա բոլոր այլ անվանումները, լոգոները, ապրանքների և ծառայությունների անվանումները, դիզայնը և կարգախոսները իրենց համապատասխան սեփականատերերի ապրանքային նշաններն են:
Վերոնշյալ տարրերի ամբողջական կամ մասնակի ցանկացած օգտագործումն առանց մեր և/կամ Հաստատությունների հստակ, նախնական և գրավոր թույլտվության խստիվ արգելվում է և կարող է հանգեցնել քրեական և քաղաքացիական պատասխանատվության՝ բացառությամբ գործող օրենսդրությամբ և կանոնակարգերով նախատեսված դեպքերի:
Բաժին 5 – Պատասխանատվություն
5.1 Պատվերների իրականացման պայմանները (տեղադրում, հետևում, կատարում) հանդիսանում են բացառապես Հաստատության պատասխանատվությունը: Հաստատությունները պարտավոր են կատարել իրենց պարտավորությունները՝ պահպանելով կիրառելի իրավական և կարգավորող պահանջները: Մենք չենք կարող պատասխանատվություն կրել մեր վերահսկողությունից դուրս գտնվող գործողությունների կամ անգործության համար, մասնավորապես՝ Հաստատությունների կողմից իրենց պարտավորությունների չկատարման, Հաստատությունների ապրանքների կողմից ձեզ կամ որևէ երրորդ կողմի պատճառված որևէ վնասի համար (ներառյալ, մասնավորապես, թունավորման դեպքերը), ձեր կամ Հաստատության մեղքով առաջացած որևէ վնասի համար, կամ երրորդ կողմին վերագրվող իրադարձության կամ ֆորս-մաժորային դեպքերի համար:
5.2 Հաստատություններին վերաբերող տեղեկատվությունը (ճաշացանկեր, ալերգեններ, ապրանքների հասանելիություն և ցանկացած այլ առաջարկներ, ապրանքները պատկերող գրաֆիկաներ և լուսանկարներ, Հաստատության կողմից տեղադրված հղումներ դեպի երրորդ կողմի կայքեր) փոխանցվել է այն Հաստատության կողմից, որտեղ կատարվել է պատվերը՝ նրա բացառիկ պատասխանատվությամբ: Մենք հատուկ հայտարարում ենք, որ պատասխանատվություն չենք կրում Հաստատության վաճառքի կետի (POS) համակարգից (օրինակ՝ iiko) բխող տվյալների սինխրոնիզացման սխալների կամ անճշտությունների համար: Մենք չենք ստուգում կամ վերահսկում այդ տեղեկատվությունը: Մենք չենք կարող երաշխավորել, որ այդ տեղեկատվությունը ամբողջական է և թարմացված: Ձեր պատասխանատվությունն է ցանկացած հաստատում կամ լրացուցիչ տեղեկություն հայցել անմիջապես Հաստատությունից:
5.3 Դուք միանձնյա պատասխանատու եք SPLIT վեբ հավելվածի և Օգտատիրոջ ծառայությունների օգտագործման հետևանքների համար: Դուք պատասխանատու եք ապահովելու, որ SPLIT վեբ հավելվածի և Օգտատիրոջ ծառայությունների ձեր օգտագործումը համապատասխանի գործող իրավական և կարգավորող դրույթներին, ինչպես նաև սույն Պայմաններին: Մենք այս առումով ձեզ որևէ երաշխիք չենք տալիս: Դուք նաև միանձնյա պատասխանատու եք այն կարծիքների համար, որոնք կարող եք թողնել SPLIT-ում:
5.4 Հիշեցնում ենք, որ ձեր հրապարակած կարծիքները հանրային են և փոխանցվում են Հաստատություններին, ինչը դուք ընդունում եք:
5.5 Որևէ պարագայում մենք պատասխանատվություն չենք կրում ձեր կամ որևէ երրորդ կողմի կրած որևէ անուղղակի կամ հետևանքային կորստի կամ վնասի համար, ներառյալ, առանց սահմանափակման՝ բաց թողնված օգուտը, ֆայլերի կամ տվյալների անճշտությունը կամ վնասումը, կամ հնարավորության կորուստը՝ կապված սույն Պայմանների հետ, որևէ հիմքով:
5.6 Մենք պատասխանատվություն չենք կրում սույն Պայմանների որևէ խախտման համար, որը առաջացել է մեր ողջամիտ վերահսկողությունից դուրս գտնվող իրադարձությունների, հանգամանքների կամ պատճառների հետևանքով:
5.7 Մենք փորձում ենք SPLIT վեբ հավելվածը մշտապես հասանելի պահել, սակայն, ինտերնետային ծառայությունների բնույթից ելնելով, չենք կարող դա երաշխավորել: Մենք չենք երաշխավորում SPLIT վեբ հավելվածի որևէ կոնկրետ գործառույթի կամ առանձնահատկության հասանելիությունը: Դուք տեղյակ եք տեխնիկական վտանգների և հասանելիության ընդհատումների մասին, որոնք կարող են տեղի ունենալ SPLIT վեբ հավելվածում: Հետևաբար, մենք չենք կարող պատասխանատվություն կրել Օգտատիրոջ ծառայությունների և/կամ SPLIT վեբ հավելվածի անհասանելիության կամ դանդաղման համար:
Բաժին 6 – Ընդհանուր դրույթներ
6.1 Եթե սույն Պայմանների որևէ դրույթ ճանաչվի անվավեր կամ կիրառման համար ոչ ենթակա, այդ դրույթը պետք է առանձնացվի և չպետք է ազդի մնացած դրույթների վավերականության և կիրառելիության վրա: Սույն Պայմանները (ներառյալ այն պայմանները, որոնց վրա հղում է կատարվում) հանդիսանում են ձեր և մեր միջև SPLIT-ի վերաբերյալ ամբողջական համաձայնությունը և փոխարինում են ցանկացած նախկին համաձայնության: Սույն Պայմանները չեն ստեղծում կամ վերապահում որևէ իրավունք երրորդ կողմ հանդիսացող շահառուների համար:
6.2 Սույն Պայմանները կարգավորվում և մեկնաբանվում են բացառապես Հայաստանի Հանրապետության օրենսդրությանը համապատասխան:
6.3 Պայմանների հետ կապված ցանկացած վեճի կամ պահանջի դեպքում, ներառյալ, առանց սահմանափակման՝ դրանց կազմմանը, վավերականությանը, մեկնաբանմանը, կատարմանը և/կամ լուծմանը վերաբերող, դուք և մենք համաձայնում ենք բարեխղճորեն ձգտել փոխհամաձայնեցված (հաշտ) լուծման: Առավել շահագրգիռ կողմի կողմից վեճի մասին պատվիրված նամակով կամ armankarapetyan@splitapp.info էլ.փոստի հասցեին ուղարկված էլեկտրոնային նամակով (հանձնման մասին ծանուցմամբ) տեղեկացնելուց հետո երեսուն (30) օրվա ընթացքում հաշտության համաձայնության չգալու դեպքում՝ Կողմերի միջև ցանկացած վեճ ենթակա է Հայաստանի Հանրապետության Երևան քաղաքի իրավասու դատարանների բացառիկ իրավասությանը՝ հաշվի առնելով այն պարտադիր դրույթները, որոնք կիրառելի են, երբ դուք հանդիսանում եք սպառող:
6.4 Երբ դուք հանդիսանում եք սպառող, և մեզ հետ հաշտությամբ չլուծված բողոքի դեպքում, դուք կարող եք վեճը ներկայացնել սպառողների իրավունքների պաշտպանությամբ զբաղվող միջնորդին (մեդիատորին): Սպառողական միջնորդությունը հասանելի է ցանկացած անձի, ով վեճ ունի տնտեսվարողի հետ, որն իրեն ապրանք է վաճառել կամ ծառայություն է մատուցել: Միջնորդությունը վեճերի հաշտեցման եղանակ է, որը սպառողի համար անվճար է և գաղտնի: Մենք կփորձենք պատասխանել մեզ ներկայացված ցանկացած բողոքի կամ աջակցության հարցման ստացումից հետո հինգ (5) աշխատանքային օրվա ընթացքում։